Ազգային ժողովրդավարական միության առաջնորդ, նախկին վարչապետ եւ պաշտպանության նախարար Վազգեն Մանուկյանն այսօր հայտնեց, որ Հայաստանի անկախության 15֊-ամյակի առթիվ կազմակերպված զորահանդեսին մասնակցելու հրավեր չի ստացել:
«Ես զորահանդեսին մասնակցելու հրավեր չեմ ստացել, որքանով գիտեմ՝ Լեւոն Տեր֊Պետրոսյանն էլ չի ստացել, Սամվել Բաբայանը չի ստացել, Րաֆֆի Հովհաննիսյանը չի ստացել»,֊ - «Հայելի» ակումբում փաստեց Վազգեն Մանուկյանը:
Հայաստանի ներկա իշխանություններին նկատի ունենալով` նա ասաց.֊ - «Իրենք ոչ միայն իրենց զգում են «գյուղի քյոխվա», որ ողջ տնտեսության տերն է, իրենք նաեւ` պատմության տերն են, ամեն ինչի տերն են»:
Վազգեն Մանուկյանը եղել է նորանկախ Հայաստանի առաջին վարչապետը, իսկ ազգային բանակի ձեւավորման ժամանակաշրջանում գլխավորել է պաշտպանության նախարարությունը:
Անդրադառնալով Հայաստանի նախագահի պնդմանը, թե Հայաստանը դառնալու է տարածաշրջանի ամենակազմակերպված երկիրը` Վազգեն Մանուկյանը կարծիք հայտնեց.֊ - «Բացարձակապես կազմակերպված չէ: Կառավարության միակ նպատակային ֆունկցիան փող աշխատելն է»:
Խոսելով երկքաղաքացիության մասին` ընդդիմադիր գործիչն ասաց.֊ - «Կարելի է երկքաղաքացիության մասին այնպիսի օրենք ընդունել, որ Հայաստանի «հերն անիծվի» մինչեւ վերջ: Պրոբլեմները՝ ընտրելու եւ ընտրվելու իրավունքը, բանակում ծառայելը, օդում կախված են մնում: Երկքաղաքացիության արգելքի վերացումը ավելի շուտ հոգեբանական նշանակություն պետք է ունենա Սփյուռքի համար»:
Ռուզան Խաչատրյան
http://www.azatutyun.am/armeniarepor...8DFAFE4607.ASP
Վազգեն Մանուկյան. «Զորահանդեսին մասնակցե
