ԱԱԾ-ի շենքի մոտ այսօր ՚Իմպինչմենտՙ դաշինքի անդամներին ու համակիրներին դիմավորեցին արցունքաբեր գազերով ու մահակներովՙ,- Ա1+ին տեղեկացրեցին հանրահավաքի մասնակիցները: Մատենադարանի մոտ ՚Իմպինչմետՙ դաշինքի հանրահավաքից հետո 20 հազար քաղաքացիներ երթ կազմակերպեցին դեպի ԱԱԾ, որտեղից նրանք պատրաստվում էին շարժվել օպերայի բակ եւ եզրափակել այսօրվա բազամահազարանոց հանրահավաքը: Հենց ԱԱԾ-ի շենքի մոտ տեղի է ունեցել բախում, ոստիկանները դաժան ծեծի ենթարկեցին ՚Իմպինչմետՙ դաշինքի անդամ Դավիթ Մաթեւոսյանին, որը ծանր մարմնական վնասվածքներով տեղափոխվել է հիվանդանոց: Երթից առանձնացրել եւ ծեծի են ենթարկել հանրահավաքի ակտիվիստներին: Հանրահավաքի մոտ 20 ակտիվիստերի ծեծելով մտցրել են մեքենաներ եւ տարել անհայտ ուղղությամբ: Ոստիկանները արցունքաբեր գազ են բաց թողել հատկապես լրագրողների եւ օպերատորների վրա: ՚Չորրորդ իշխանությունՙ թերթի արտահաստիքային լրագրող ագիկ Շամշյանին քաշքշելով ձեռքից փորձել են վերցնել լուսանկարչական ապարատը, արցունքաբեր գազն են բաց թողել նաեւ ՚Հայաստանի հանրապետությունՙ օրաթերթի թղթակից Ծովինար Նազարյանի աչքերին: ՚Նոր ժամանակներՙ եւ ՚Հանրապետությունՙ կուսակցությունների ղեկավարներ Արամ Սարգսյանի, Արամ Կարապետյանի, Նիկոլ Փաշինյանի եւ ոստիկանների միջեւ տեղի ունեցած բանակցություններից հետո ցուցարարներին ազատ են արձակել: Ի դեպ, այն պահին, երբ ԱԱԾ-ի շենքի մոտ ցուցարարները ծեծի էին ենթարկում ՚Իմպինչմենտիՙ առաջնորդներին եւ խաղաղ երթի մասնակիցներին՝ ՚Հանրապետությանՙ հրապարակում հայկական եւ ռուսական էստրադայի աստղերը համատեղ համերգ էին տալիս եւ խլացնում ոստիկանների ծեծի աղմուկը, իսկ հանրային հեռուստաընկերությունը ուղեղ եթերով հեռարձակում էր օրվա կարեւոր իրադարձությունը՝ համերգը:
http://www.a1plus.am/amu/?page=issue&iid=48968
Ազգային օպերայի եւ բալետի թատրոնի շենքի մոտ ժամը 23.30-ի սահմաններում մոտ երկու տասնյակ մարդ դեռ քննարկում էին ԱԱԾ -ի շենքի մոտ տեղի ունեցած ծեծկռտուքը: Նրանք այսօրվա ծեծկռտուքի անմիջական մասնակիցներ էին ու ականատեսները:
՚Էս հասակիս քացով խբում էին: Էսօր իմ տոնն է , բայց խփեցին: Տոնն է հաղթանակի,բայց քացով խփեցին, վեր գցեցին, գլխարկս էլ կորավ, ժողովուրդը գտավ, բերին, ետ տվինՙ,- զայրութն ու զարմանքը խառնած պատմում էր Հայրենական մեծ պատերազմի վետերանը: Մի տարեց կին էլ անընդատ կրկնում էր ՚արցունաքաբեր գազը բերանս լցրեցին, սիրտս վատացավՙ: Մեկն էլ պատմեց, որ երթին մի ընտանիք էր մասնակցում` ամուսինը, կինը , երեխան: ՚Մարդուն ամբողջովին տվին, սպանին, արյունլվիկ արին: Անտեղի տեղըՙ,- ասաց նա:
Ծեծկռտուքը քննարկողները, որոնք 30-70 տարեկան մարդիկ էին, վախեցած էին այնքան, որ չցանկացան ներկայանալ: Ի դեպ, նրանք, ինչպես մի կին ասաց` վախենում են ոչ թե ծեծվելուց, այլ աշխատանքը կորցնելուց: ՚Ես դպրոցում եմ աշխատում, տնօրենս ամեն օր ասում է` չգնաս ընդդիմության հավաքին, բայց ես եկա, որ իմանա` կհանիՙ,- ասաց նա: ՚Մարդիկ այլեւս ի վիճակի չեն այդպես ապրելՙ,- մեկը մյուսին լրացնելով ասում էին ներկաները: ՚Էլ չենք ուզում հաստավիզների գերին դառնալՙ,- դառնացած ասաց 50-ին մոտ տղամարդ:
Ի դեպ, այն պահին, երբ ոստիկանները ծեծում էին խաղաղ երթի մասնակիցներին, Հանրապետության հրապարակում համերգ էր` էստրադայի հայ եւ ռուս աստղերի մասնակցությամբ: Հրապարակում հավաքվածներն այդպես էլ անտեղյակ մնացին երկու փողոց այն կողմ տեղի ունեցած ծեծկռտուքին, մանավանդ որ բջջային հեռախոսակապի որակը,ինչպես լինում է նման լայնամաշտաբ միջոցառումների ժամանակ, սարսափելի վատ էր. անհնար չր որեւ մեկին զանգել:
http://www.a1plus.am/amu/?page=issue&iid=48971
Նկարում` Մհեր Մանուկյան / Իմպիչմենտ դաշինք /
http://www.a1plus.am/amu/?page=issue&iid=48975
ԲԱԽՈւՄ //
