ՀԱՅԱՍՏԱՆԸ ԿՄԱՍՆԱԿՑԻ ՍՈՉԻ-2014-Ի ՕԲՅԵԿՏՆԵՐԻ Կ
ՀԱՅԱՍՏԱՆԸ ԿՄԱՍՆԱԿՑԻ ՍՈՉԻ-2014-Ի ՕԲՅԵԿՏՆԵՐԻ ԿԱՌՈՒՑՄԱՆԸ
2007-09-25
Ռուսաստանը Սոչիում օլիմպիական օբյեկտներ կառուցելու գործում կարող է ներգրավվել շինանյութերի հայաստանյան արտադրամասերին: Ինչպես հայտնում է «Ինտերֆաքս»-ը, այս մասին Հայաստանի վարչապետ Սերժ Սարգսյանի հետ հանդիպման ժամանակ ասել է ՌԴ վարչապետ Վիկտոր Զուբկովը: «Չի բացառվում, որ Սոչի-2014 Օլիմպիադան կխրախուսի Հայաստանից շինանյութերի հետագա ներկրումը»,-ասել է Զուբկովը: Նրա կարծիքով, Հայաստանի ու Ռուսաստանի տնտեսական հարաբերությունների զարգացման հարցում կարևոր դեր է խաղում նաև շինանյութերի շուկան: «Դուք գիտեք, որ Հայաստանը միշտ աչքի է ընկել լավ շինանյութերով ու լավ մարդկանցով, ովքեր կարող են դրանք օգտագործել լավ աշխատանք կատարելու համար»,-նկատել է նա: Վ. Զուբկովի կարծիքով, օլիմպիադայի օբյեկտներ կառուցելու համար Հայաստանից շինանյութերի ներկրումը կարող է էական գործոն լինել երկու երկրների միջև ապրանքաշրջանառության ծավալների աճի համար: Աղբյուր` credit.am
|