«Արևորդի» բնապահպանական փառատոնը անցկացվում է ամեն երկրորդ տարին, և միակ բնապահպանական փառատոնն է ամբողջ հարավկովկասյան տարածաշրջանում: Հոկտեմբերի 25-ից 29-ը նախատեսվում է «Արևորդի» երկրորդ միջազգային բնապահպանական փառատոնի անցկացումը: ՆՓԱԿ, «Նարեկացի» արվեստի միություն մշակութային կենտրոնները, ինչպես նաև «Մարիոթ» հյուրանոցը կհյուրընկալեն փառատոնի տարբեր ծրագրեր:
«Արևորդի 2009» փառատոնի շրջանակներում իրականացվելիք նախագծերն են`
Ֆիլմերի ծրագիր
Ֆիլմը բնապահպանական խնդիրների շուրջ հասարակական գիտակցություն ձևավորելու ամենաազդեցիկ գործիքներից է: Ֆիլմերի ծրագիրը բաղկացած կլինի մրցութային և տեղեկատվական բաժիններից:
Ռոք համերգ
Սփյուռքի հայ ռոք խմբերը` մեր արմատներից ծնված և էներգիայով լեցուն երաժշտությամբ կմիացնեն իրենց ձայնը բնության պաշտպանության կոչերին «Արևորդի» փառատոնի շրջանակներում:
Կենդանիների դիմակահանդես
Փառատոնը կմեկնարկի մեծ դիմակահանդես երթով: Գույնզգույն կենդանակերպ զգեստներով և դիմակներով 500-ից ավելի պատանիներ կխրախուսեն անցորդներին միանալ առաջիկա օրերին ծավալվելիք բազմաբնույթ բնապահպանական միջոցառումներին:
Արևորդի էկո-ակումբներ. «Երեխաները երեխաների համար» նախագիծ
Հայաստանի ողջ տարածքից «Արևորդի» էկո-ակումբների սաներն իրենց իրականացրած նախագծերը կներկայացնեն ոչ միայն իրենց հասակակիցներին:
Սեմինար «Կորպորատիվ սոցիալական պատասխանատվություն» (ԿՍՊ)
ԿՍՊ քաղաքականության միջոցով ընկերություններն իրենց գործնական գործողություններին են ինտեգրում սոցիալական և բնապահպանական խնդիրների լուծմանն ուղղված նախագծեր.
«Արևորդի» Բնապահպանական փառատոն
